206. Star Cricket

டிஸ்கி முதலில் முழுசா படிக்கவும்.

_____________________________
இதவிட ஒரு pointless சானல் ஆரமிக்க முடியுமா? ரவி சாஸ்திரி அஞ்சு நாள் டொக்கு போட்டது முதக்கொண்டு பக்கத்துதெரு ஸ்கூல் பசங்க 88-ஆம் வருஷம் ஆடின டோர்னமெண்ட் வரைக்கும் ஒவ்வொண்ணுத்தையும் திரும்ப திரும்ப போட்டு அல்வா கிண்டுறாங்க.

ஸ்பான்சர்கள் தயவுக்காக இருக்கற இந்தியாவின் அதிக வருவாய்தர மாட்டை (அதான்பா cash cow) முழுக்க கறக்க ரூபர்ட் முர்டாக்குக்கு மற்றுமொரு சாதனம் (ஹி ஹி.. சிவப்பு மக்கள்ஸ்... அவுஸ்திரேலிய வெளிநாட்டு முதலாளிய திட்டியாச்சு. திருப்திதானே?).

ஏற்கனவே எந்த சானல், எந்த நியுஸ் பார்த்தாலும் இதே கிரிக்கெட்டின *ழவு. சச்சின் மூச்சா போனார், ட்ராவிட் டாட்டா காட்டினார்னுட்டு...

இதுக்கு நடுவுல தனி காமெடி ட்ராக்கா ICLனு என்னவோ சண்டை வேற. ஒரு pie அ பிரிச்சுக்கறதுக்கு எத்தன அடிதடி? அப்படியாவது விளையாடிக் கிழிக்கறாங்களான்னா அதுவும் இல்ல.

அவனவன் என்னமோ மகாவிஷ்ணுவோட அடுத்த அவதாரமாட்டம் டிவியிலும் பேப்பரிலும் விடுற பந்தா என்ன, அலப்பறை என்ன.. தாங்கலடா சாமீகளா!

ஆனா கிரிக்கெட்னு எழுதி சச்சின் பேரச் சொல்லி எலி புழுக்க வித்தாலும் வாங்கி வாயில் போட்டுக்குற ஜனங்க இருக்குற வரைக்கும் இவனுங்களச் சொல்லி என்ன? கம்பெனிகளையும் தப்பு சொல்லமுடியாது. ஆட்டக்காரங்களையும் தப்புச் சொல்லமுடியாது. வழக்கம்போல மக்கள்ஸ் மேலதான் தப்பு சொல்லணும். பின்ன, மேட்ச் பிக்ஸிங், டீம் பாலிடிக்ஸ், செலக்ஷன் பாலிடிக்ஸ், அட்வர்டைஸ்மெண்ட்ல மட்டும் பார்முன்னு அவங்க எத்தன அடி கொடுத்தாலும் நம்ம இந்திய மக்கள் நல்லவங்களாவே இருக்காங்களே.

கடசியா ஸ்டார் கிரிக்கெட்டுக்கு eat, live, sleep cricket 24x7 னு அட்வர்டைஸ்மெண்ட்ல சொல்றாங்க.

நான் சொல்றேன் - F*** cricket!

--------------------------
டிஸ்கி: ரொம்ப நாள் கோவம். அதுனால் கொஞ்சம் பிலோ தி பெல்ட் தான். வேண்டாதவங்க படிக்காம ஸ்கிப் செஞ்சிருங்க.

ரஜினியத்திட்டினா பெரியாள் ஆகலாம். இன்னும் சில ஆளுங்களத் திட்டினா அறிவுஜிவி ஆகலாம். அதுமாதிரி ரொம்ப நாள் கழிச்சுவந்து பப்ளிசிடிக்கு என்ன செய்யிறது? அதான் கிரிக்கெட்ட திட்டலாம்னுட்டு...சரிதானே?

160. வாழ்க வளமுடன்!

இரண்டு சம்பவங்கள். ஒன்றுகொன்று சம்பந்தமில்லாதவை.

ஆனாலும் சம்பந்தமுண்டு. இப்படிச் சொல்லி சில மாசங்கள் முன்னாடி இங்க விளையாட்டு நடந்துது. அது மாதிரி இது ரெண்டும். எனக்கு ஏதோ ஷங்கர் படம் பார்ப்பது போலிருந்தது இந்த ரெண்டு கதைகளையும் கேட்டுவிட்டு. ஒன்றும் சொல்லிக்கொள்கிறா மாதிரி இல்லை.

1) தெரிந்தவரொருவர் அவர் வளர்ந்த கிராமத்துக்கு நன்மை செய்யவேண்டும் என்று எண்ணினார். இப்போது பெருநகரங்களுக்கு அவரும் அவர் பிள்ளைகளும் குடிபெயர்ந்துவிட்டாலும், அவரின் பூர்வாங்க வீடு கிராமத்தில் தான் இருக்கிறது. அதை ஒரு முதியோர் இல்லம் மற்றும் இலவச மருத்துவமனையாக மாற்ற வேண்டுமென்று முடிவு செய்து பழைய கால வீட்டை நான்கைந்து லட்ச ரூபாய் செலது செய்து புனரமைத்து, மருத்துவமனை புதிதாய்க் கட்ட மேலும் சில லட்சங்களும், மாதந்தோறும் அதை நடத்த தேவையான பணத்தை corpus fund ஆகவும் போட்டு ஒரு அறக்கட்டளை நிறுவி, கிராமப் பஞ்சாயத்துத் தலைவரை அறங்காவலர்களில் ஒருவராக நியமித்தார்.

விஷயத்துக்கு வருவோம். இதில் இலவச முதியோர் இல்லம்/மருத்துவமனை நடத்த தேவையான தீயணைப்புத்துறை உரிமம் மற்றும் தாசில்தார் அலுவலகத்தில் இருந்து உரிமம் மற்றும் இன்னபிற உரிமங்கள் சில பெற வேண்டியிருக்கிறது. உரிமம் தருவதற்கு தாசில்தார் சோதனைக்கு வரவேண்டுமல்லவா? ஆயிரம் மைல்களுக்கு அப்பால் இருக்கும் நண்பரால் இங்கே வந்துபோவது நடக்கக்கூடியதா? அவர் அனுப்பிய ஆள் இந்த ஆபீஸுகளுக்கு போகும் ஒவ்வொரு முறையும் ஒவ்வொரு சாக்குபோக்கு சொல்லி இழுத்தடித்து வந்துள்ளனர். ஒருவழியாக வர ஒத்துக்கொண்ட தாசில்தார் கிளம்புமுன் அவரின் ஜீப் ட்ரைவர் "வண்டி ஸ்டார்ட் ஆகாது போலிருக்கு சார்" என்று பல்லவி பாட, அவரையும் 'கவனிக்கிறேன்' என்று நண்பர் சார்பில் சென்றவர் சைலண்டாய் சைகை காண்பிக்கவும், மேஜிக் போல் மக்கர் செய்த வண்டி ஸ்டார்ட் ஆகிவிட்டது. டிரைவருக்கு நூறு ரூபாய். பைல் தூக்கி வந்த பியூனுக்கு நூறு ரூபாய் என்று அங்கேயும் இங்கேயும் தாசில்தார் ஆபீஸில் மட்டும் அழுதது ஐயாயிரம் ரூபாய்.

தீயணைப்புத்துறை, நண்பரின் நல்ல காலம், இளம் அலுவலர் ஒருவர் புதிதாய் பொறுப்பேற்றிருந்ததால் 'கவனிப்பு' எல்லாம் கேட்காமல் நேர்மையாய் வேலையை செய்துவிட்டார். ஏன் பணம் கொடுத்து காரியத்தை சாதிக்க வேண்டும் என்றால், நண்பரின் அவசரம் அவருக்கு. தன்னால் நேரடியாக எதையும் வந்து செய்ய முடியாது. அனுப்பும் ஆட்களும் மற்றவர்களுடையவர்கள். அவர்களையும் நிரந்தரமாக அலையவிட முடியாது. அதனால் கொடுப்பதை கொடுத்து வாங்க வேண்டிய சான்றிதழ்களை வாங்கிவிடவேண்டும் என்கிற அவசரம். இந்த ஐயாயிரம் ரூபாய் இன்னும் ஓரிரு நோயாளிகளுக்காவது/முதியோர்களுக்காவது பயன்பட்டிருக்கும்.

பொதுச்சேவைக்காக தன் சொந்த வீட்டையும் கொடுத்து, பணத்தையும் லட்சக்கணக்கில் செலவு செய்பவரிடம் 'அட்டை'களைப் போல பணத்தை உரியும் இந்த ஜந்துக்கள் வளமாகத் தான் வாழ்கிறார்கள். வாழட்டும்!

2) இது இன்னும் மோசம். இவரும் தெரிந்தவர்தான். வசதிகள் கொஞ்சம் குறைவுதான். இருபது வயது நிரம்பிய இவரின் மகன் ரயிலில் அடிபட்டு பரிதாபமாக இறந்துபோனார். அரசு பிரேதக் கிடங்கிலிருந்து பிரேதத்தை கொடுக்க போலிஸ் அனுமதி தரவேண்டும். அதற்கு ஆயிரம் ரூபாய் கேட்டிருக்கின்றனர். ஆனால், சென்றவர்களிடம் எல்லாம் சேர்த்து பார்த்ததில் எழுநூற்றி சொச்சம் தான் இருந்திருக்கிறது. பிரேதத்தை வாங்க வந்தவர்களிடம் ஆயிரம் ரூபாயை வைத்துவிட்டுத்தான் நகரவேண்டும் என்று அடாவடி செய்த போலிஸாரிடம் நியாயம் கேட்க.. அவர்கள் சொன்னது 'என்ன ஊர் உலகத்துல எல்லாரும் பணம் கொடுத்துதானே எடுத்துகிட்டு போறான். உங்களுக்கு மட்டும் என்ன தனியா சொல்லி வாங்கிக்கணுமா.. பணத்த வச்சுட்டு நகருய்யா'. இவர்களிடம் முட்டைகோஸ் வியாபாரம் போல் பேரம் பேசி கடைசியில் எழுநூற்றியைம்பது ரூபாய்க்கு தங்கள் ரேட்டை பெரியமனது செய்து குறைத்துக்கொண்டு பிரேதத்தை எடுத்துச் செல்ல அனுமதி தந்துள்ளனர் போலீஸார். எல்லாரும் நல்லா இருங்கய்யா! இந்தியா உருப்படும்.



இதைப் போன்ற அரக்கர்களை 'சோரிகக்கக் கூரகட் டாரியிட்டோரிமைப் போதினிற் கொல்ல' அந்த முருகன் என்று வரப் போகிறானோ. அதுவரை எல்லோரும் வளமுடன் வாழட்டும்!

156. ரிஸர்வேஷன் டாக்டர்களிடம் போவீர்களா?

கொஞ்ச நாளா பதிவுகளிலும் பின்னூட்டங்களிலும் இடஒதுக்கீடு பத்தி விவாதங்கள் நடந்துகிட்டு வருது. ஆனா, நடுவுல என் கண்ல பட்டது ரிஸர்வேஷன் டாக்டர்கள்லாம் என்னமோ எமனோட ஏஜெண்ட்கள் மாதிரி அவங்ககிட்ட போகவே சில மக்களெல்லாம் உயிருக்கே பயப்படறாங்க.

சேரும்போது என்னமோ மெரிட்ல வந்தவங்கள்லாம் 300 எடுத்துட்டு வந்தா மாதிரியும், மிச்சவங்கள்லாம் 35 எடுத்துட்டு வந்தா மாதிரியும் நினச்சுகிட்டு இருக்கிறதால வர காழ்ப்புணர்ச்சியிது. உண்மை நிலவரம் என்னான்னா, OC, BC, MBC, SC, STனு வரிசைக்கிரமப்படி 294 - 275 வரைக்கும் தான் இலவச சீட்டே. இது அக்ரெகெட் இல்லியா? 274ங்க்றது 91.4%. எந்த ஊர்ல சாமி 91.4 வாங்கினவங்க மக்கானாங்க? அவன விட அதிகமா மார்க் வாங்கின ஆளுங்கள நான் குறைச்சு சொல்லல. தனிமனிதன்னு பார்த்தா இன்னும் அதிகமான மதிப்பெண் வாங்கின மாணவனுக்கு கிடைக்காம போனது துரதிருஷ்டம் தான். ஆனா, இந்த இடஒதுக்கீடு நம் நாட்டுக்கு அவசியமானது. இதுனால இந்த 6% வித்தியாசத்துல உங்க உயிரே ஊசலாடுத்துன்னு ஒப்பாரி வைக்கிறது நியாயமா?

இதுவெறும் சேர்க்கை நிலவரம் தானே. 91 வாங்கின பையன் நூறு வாங்க மாட்டானா? பன்னிரண்டாம் கிளாஸ் மார்க் வச்சுதான் டாக்டரோட தரத்தை முடிவு பண்ணுவீங்களா? அப்ப அப்புறம் நாலரை வருஷம் உயிரக் குடுத்து படிச்சு, ஒண்ணரை வருஷம் இண்டெர்னா குப்பக்கொட்டினது இதெல்லாம் எந்த தெய்வத்துக்கு ப்ரீத்தி?

மிச்ச கல்லூரிகள விட மருத்துவக் கல்லூரிகளில் பெயிலாகும் கோஷ்டி அதிகம் தான். அது பன்னிரண்டாம் கிளாஸ்ல இவ்வளவு மார்க் எடுத்துட்டு வந்த பசங்கதானே. படிப்போட தன்மை காரணமா இப்படி நடக்கிறது வழக்கம்தான். இது ஒண்ணும் இன்னிக்கு நேத்திக்கா நடக்கறதில்லை. பலவருஷமா நடந்து வரதுதான். உங்க ஊர்ல உங்களுக்கு நல்லா தெரிஞ்ச இந்தியாலேயே படிச்ச பெரிய டாக்டரப் போய் கேட்டுப் பாருங்க. எவ்வளவு வருஷம் படிச்சாங்க, இல்ல அவங்க அளவுக்கே பெரிய ஆளா இருக்கிற ப்ரண்ட்ஸ் எவ்வளவு ஸ்ட்ராங்கா படிச்சிருக்காங்கன்னு கத கதயா சொல்லுவாங்க.

அஞ்சரை வருஷம் படிச்சு முடிச்சு வர்றவங்க எல்லாம் ஜொல்லிக்கறதில்லை. இதுல ரிஸர்வேஷன்ல வந்தவங்க, ஓப்பன்ல வந்தவங்க இதெல்லாம் ஒரு பொருட்டே கிடையாது. தொழிலும் தெரிஞ்சு, கொஞ்சம் அதிர்ஷடமும் இருந்தா எல்லாரும் முன்னுக்கு வருவாங்க. இதுல யார் நல்லா வராங்கன்னு முடிவெடுக்குறது அந்த டாக்டர்கிட்ட போற பேஷண்ட்ஸ் மட்டுமே. அவர் கொடுக்கிற ரிஸல்ட்ஸ் தான் மக்களுக்கு நம்பிக்கை வரதுக்கு ஒரே காரணம். மத்தபடி அவர் பன்னிரண்டாம் வகுப்புல பிஸிக்ஸ்லயும், கெமிஸ்ட்ரிலேயும் 100 வாங்காம 91 தான் வாங்கினார்னு யாரும் கவலைப்படப்போறதில்லை. பிஸிக்ஸ் கெமிஸ்ட்ரி என்ன, மருத்துவப் பாடங்கள்ல கூட அவர் என்ன வாங்கினார்னு உங்களுக்குத் தெரியப்போறதில்லை. அது அவசியமும் இல்ல. வைத்தியம் ஒழுங்கா பாக்கறார், மக்களுக்கு நம்பிக்கை இருக்குன்னா அது ஒண்ணே போதும்.

நீ 2000ல ரிஸர்வேஷன்ல வந்தவன், மருத்துவன்னு பல்கலைக்கழகமே சான்றிதழ் கொடுத்திருந்தாலும் என் உயிருக்கு உன்னால உத்திரவாதம் கொடுக்க முடியாதுன்னு சொல்வீங்களா? consistent-ஆ negligenceனு எந்த குறிப்பிட்ட சமூகத்தைச் சேர்ந்த மருத்துவர்கள் மீது புகார்கள் வந்திருக்கா என்ன? அந்த மாதிரி எதுனாச்சும் ஸ்டாடிஸ்டிக்ஸ் முதக்காரியம் கிடைக்குதா?

இன்னொரு விஷயம் எனக்கு புரியவேயில்ல. ரிஸர்வேஷன்ல வந்த ஆளுன்னு எப்படிங்கய்யா முடிவு செய்வீங்க? டாக்டர் நேம் போர்ட பாத்துமட்டுமா?

இந்த கேவலமான வரியை எழுத வேண்டாம்னு தான் பார்த்தேன். ஆனா, எப்படிக் கண்டுபிடிப்பாங்கன்னு சத்தியமா தெரியவேயில்ல அதான் கேட்டுட்டேன். கோச்சுக்காதீங்க.


---
முக்கியக்குறிப்பு: இட ஒதுக்கீட்டினால் தரம் குறைந்து நம் நாட்டின் அசுர வளர்ச்சி பாதிக்கப்படும் என்றெல்லாம் மாக்ரோ படம் பார்த்தாலும், என் எண்ணத்தில், முன்னேறப்போவதென்னவோ வாஸ்தவம் தான். என்ன அப்படி அவசரம்? பாதி ஜனங்களை 'முன்னேற்ற ஏர்பஸ்'ஸில் ஏற்றிக்கொள்ளக்கூட முடியாமல்? மெதுவாகத்தான் போவோமே. காற்றுள்ளபோதே தூற்றிக்கொள்னு சொல்லி அறுபது சதவிகித கிராமங்களைக் கற்காலத்திலேயே விட்டுவிட்டு நாம் (ஓரளவு நன்றாய் வாழும் மக்கள்) மட்டும் அமெரிக்க பொருளாதாரத்திற்கு நிகராவதில் பயனேதுமில்லை என்பது என் கருத்து.

இட ஒதுக்கீட்டை ஆதரிச்சாலும் அதை அமல்படுத்தும் முறையில் குறிப்பாக creamy layer, அதோடு கூடவே கீழ ஒட்டியிருக்கிற லேயர் பத்தியெல்லாம் எனக்கு தீவிர மாற்றுக்கருத்துகள் உண்டு. ஆனா, இடஓதுக்கீட்டில் இருக்கும் ஓட்டைகளை சரிசெய்ய வழிசொல்லாமல், இடஒதுக்கீட்டையே தப்பு சொல்வது அநியாயம்.

அதப்பத்தி நான் எழுதறத விட, ஏற்கனவே பத்ரி மற்றும் இன்னும் சிலபேர் நல்லாவே எழுதிட்டாங்க. அங்க பின்னூட்டங்களிலும் நிறைய விஷயங்கள் சொல்லிருக்காங்க. அங்க பாத்துக்கங்க. என்னவோ இதப் பத்தி மட்டும் எழுதணும்னு தோணிச்சு. அதான்.

142. Unfathomable Zealotry - WP

//In Africa, Asia, too much of the world -- it is Joseph Conrad much of the time: "The horror! The horror!".//

//In our boundless optimism, we consign them to the "too hard" file of horrors we cannot figure out: the Khmer Rouge, the Nazis, the communists of the Stalin period. Now, though, this awful thing returns and it is not just a single country that would kill a man for his beliefs but a huge swath of the world that would not protest. There can be only one conclusion: They were in agreement.//

Unfathomable Zealotry - Richard Cohen - WP

ஒரு குறிப்பிட்ட நாட்டைப் பற்றி கட்டுரையில் சொல்லப்பட்டிருந்தாலும், நம் நாட்டிலும் பல வடிவங்களின் இந்தக் கொடுமைகள் நடந்து வருகிறது. என்று திருந்தப் போகிறோமோ? இதை வெறும் 'வெள்ளைக்காரன் சொல்றான், நாம என்னத்த கேக்கறது, நம் பாரம்பரியம் என்ன, அவனோட கலாச்சாரம் என்ன' என்ற கண்ணோட்டத்தில் இல்லாமல் சிந்திப்பதற்கும் விவாதிப்பதற்கும் நம்மில் பலருக்கு கடினமாக, அதுவும் படித்த தமிழ் இணையத்தில் உள்ளவர்களுக்கே, இருக்கும்போது சாதாரணமான மக்களை பற்றி நினைத்தும் பார்க்க முடியவில்லை. மட்டுறுத்தல் வந்தவுடன் ஓரளவுக்கு குறைந்திருக்கிறதென்றாலும், இப்பவெல்லாம் பதிவர்கள் பதிவுகளிலேயே எழுத ஆரம்பித்துவிட்டனர்.

யார் என்ன எழுதினாலும், சொன்னாலும் உடனே அவன் முப்பாட்டனார் ஜாதகம் வரைக்கும் அலசி ஆராய்ந்து நீ அந்தப்பய மவந்தானே, வேறெப்படி பேசுவ என்று அகழ்வாராய்ச்சி செய்வதிலேயே இவ்விஷயங்களை பேசுவதில் பலனில்லாமல் போய்விடுகிறது.

அது என்ன அவ்வளவு paranoia-வோ? ஏன் மற்ற எல்லாருமே ஒரு டைமென்ஷனல் அஜெண்டாவோடு தான் இயங்குகிறார்கள் என்று ஒவ்வொரு்ம் முடிவு கட்டிக்கொண்டே தொடை தட்டுகிறோம்? இது ஒரு பரவலான வியாதியாகவே இருக்கிறது எனக்குத்தெரிந்த வரைக்கும்.

இன்னொன்று: sanctimonitis. இதன் தொல்லை தாங்க முடியவில்லை. எதைப் பற்றியும் எழுதும்போதும் அப் கோர்ஸ், வரையறை என்பது இருக்க வேண்டியதுதான். அது நிஜமாகவே கருத்துப் பரிமாற்றம் வேண்டும் என்று நினைக்கும் பதிவராக இருந்தால் அவர் பதிவை எழுதும்போதே லக்ஷமண ரேகை எங்கே என்று தெரியும். பின்னால் ஒருவர் வந்து சொல்லித்தான் பதிவின் தீவிரத்தைக் குறைக்க வேண்டும் என்பதில்லை. ஆனால், அப்படிப்பட்ட நியூட்ரலாக எழுதப்படும் பதிவுகளிலும், sanctimonious anonymous clubஇலிருந்து வரும் பின்னூட்டங்களும் பெரும்பாலும் வாதத்தை மேற்சொன்ன பாரனோயா பார்வையுடனே பதிவை படித்ததால் எழுதப்படுகின்றன. அதோடு விட்டாலும் பரவாயில்லையே. அவருக்கு பதில் கொடுக்க அந்தக் கூட்டத்துக்கு தனி எதிர்கோஷ்டி. மொத்தத்தில் சத்தியமூர்த்தி பவன் தான். இவை போதாதென்று தன்னார்வ தொண்டர்களும் சம்பந்தா சம்பந்தமில்லாமல் தனி ஆவர்த்தனம் நடத்துகின்றனர்.

பதிவோ பின்னூட்டமோ யாரைப் பற்றியோ எதைப் பற்றியோ எழுதும்போது எடுத்தவுடனேயே அவன் ஒரு ****** இவன் ஒரு ******** என்று ஏகவசனம், அது ஒரு குப்பை, இதைச் செய்பவன் முட்டாள் என்று ஆரம்பித்துவிட்டுதான் மற்றதே. ப்ரீஜுடிஸ் எல்லாருக்கும் இருப்பதுதான். அது நல்லவிதமாகவோ கெட்டவிதமாகவோ இருந்துவிட்டு போகலாம். ஆனால், நமக்கு கெடுதல் என்று தோன்றுவது அடுத்தவருக்கு நன்மையெனத் தெரியலாம். அதற்கு அவருக்கு தனிப்பட்ட சமூகக் காரணங்கள் இருக்கலாம். நம் ப்ரீஜுடிஸும் ஈகோவும் சேர்ந்து வலைப்பதிவர்களின் sensitivity-ஐ அழித்துவிட்டதோ என்று எனக்கு சந்தேகம் வரத்தோன்றியிருக்கிறது. ஒரு மேடையிலோ இல்லை நம் வீட்டிலோ கருத்துப் பரிமாற்றங்கள் நடந்து கொண்டிருக்கிறது. அங்கேயும் பெரும்பாலும் நாம் இங்கே பேசும் விஷயங்களை பேசிக்கொண்டுதான் இருக்கிறோம். ஆனால், வலையில் எழுதும்போது மட்டும் நம் தரத்தை நாமே குறைத்துக்கொள்வது ஏனோ? நம்மை யாருக்கும் தெரியாது என்கிற தைரியமும், நம் அடிமன வக்கிரங்களுக்கு அப்படி நம்மை யாருக்கும் தெரியாது என்பது மிகவும் சாதகமாக இருக்கிறது என்பதுமா?

எங்கெங்கோ இருக்கும் எவ்வளவோ புதுப்புது நண்பர்களையும் நல்லமனிதர்களியும் இவ்விணையம் அறிமுகம் செய்து பெற்றுத்தந்திருக்கிறது என்பதைத் தவிர எனக்கு வலைப்பூவில் எழுதுவதில் பெரிய பயனொன்றும் கிட்டியதாய்த் தெரியவில்லை. இந்த தமிழ்வலைப்பூக்கள் இல்லையென்றால் நம்மில் பலர் சந்தித்துக்கொண்டே இருந்திருக்க மாட்டோம். என்னளவிலே எடுத்துக்கொண்டால் நான் எழுதும் பொதுப்பாட்டு எனக்காகவே. ஆனால், இந்த வலைப்பூவை நான் இப்படித்தான் பார்க்கிறேன். நண்பர்களுக்கிடையில் ஸ்கூல காலேஜில் லஞ்ச் ப்ரேக்கிலும், இண்டர்வெல்லிலும் அரட்டை அடிப்பதைப்போல. இப்போது அந்தக் கட்டங்களைத் தாண்டி வந்த நமக்கு புது நண்பர்களை அடைய இது ஒரு அரிய வழி. நாம் பலரும் வெளியில் இருப்பதால் தமிழில் தமிழர்களோடு பேசுவதில் தனி சுகமும் அந்நியோன்யமும் ஏற்படுகிறது. அதுவே முதல் பயனாய்ப் பார்க்கிறேன். தமிழ் வளர்க்கிறேன் என்றெல்லாம் நான் ஜல்லியடிக்கப்போவதில்லை.

வளர்ப்போரை நான் குறை சொல்கிறேன் என்றில்லை. ஏதோ காரணத்தால் இயற்கையாய் ஒரு கூட்டம் சேர்ந்து விடுகிறது. எழுதும் விஷயங்களினால். அக்கூட்டத்திற்குள் நாம் பேசிக்கொள்ளும் போது என்ன வேண்டுமானாலும் சொல்லிக்கொள்ளலாம். நண்பர்கள் வட்டம் என்கிற உரிமையில். அதுவே என் பதிவில் நான் எழுதினால் அது எங்கே சென்று முடியும் என்று சொல்லித்தெரியவேண்டியதில்லை. இதுவே தான் ஒவ்வொரு குழுவிற்குள்ளும் நடக்கிறது என்று நினைக்கிறேன். மற்றவர்களை பற்றி எழுதுகையில் இன்னும் அதிக எச்சரிக்கையுடன் செயல்படவேண்டியிருக்கிறது. அது ஒருவிதத்தில் நல்லதுதான் என்றாலும் மேற்சொன்ன இருகாரணங்களினால் சிலவிஷயங்களை, கண்ணியமாக எழுதினாலும் அவற்றிற்கு வரும் எதிர்வினைகள் ஒரே விதமாகவே பெரும்பாலும் இருப்பதாய் தோன்றுகிறது. நான் ஒன்றும் அப்படி எழுதிக்கிழிக்கவில்லையென்றாலும், சார்புநிலை கொண்டிருந்தாலும் கண்ணியமாக எழுதுபவர்கள் நிறைய பேர் இருக்கிறார்கள். ஆனால் அவர்கள் சிறுபான்மையினரோ என்று தோன்றும் வகையில் பலரின் பதிவுகளின் தலைப்பிலிருந்து, பின்னூட்டங்கள் வரை இருக்கிறது. sensationalism வைத்துதான் ஓட்டவேண்டும் என்ற அளவுக்கா இங்கே காம்பெடிஷன் இருக்கிறது? ஆயிரத்தைக் கூட தாண்டாத ஒரு கூட்டத்துக்குள் என்னவோ ஜன்மப்பகைகள் போல இத்தனை சண்டைகளா. தமிழ் நம்மை இணைத்துதானே இங்கே வந்தோம். அந்த இணைப்பு முற்றிலும் மறந்து வெறும் வெறுப்பு மட்டுமே மிஞ்சியிருக்கறாற் போல இருக்கிறது.

---
நானும் மேற்சொன்ன தவறுகளை அறிந்தோ அறியாமலோ செய்திருக்கலாம். இனிமேல் தவிர்க்க முயற்சிக்கவாவது செய்வேன்.

நண்பன் அவர்களுக்கு....

சில வாரங்களுக்கு முன்னர் நண்பனின் அமெரிக்க எதிர்ப்பு பதிவில் பின்னூட்டமிட்டுவிட்டு பின்னர் விரிவாக எழுதுவதாய் சொல்லி மறந்துவிட்டேன். நேற்றைக்கு யாரோ ஒரு அநாதிநாதர் தனிமடலில் , பதில் போட 'மறந்து' விட்டதா என்று கேட்டிருந்தார். மறந்துபோனது என் தவறுதான். ஆனால் ஏதும் விசேஷமான காரணங்களுக்காக மறக்கவில்லை. தமிழ்மணத்தில் நடந்த சில கூத்துகள், அப்புறம் சொந்த விஷயங்களாலும், புதுப்பதிவொன்று ஆரம்பித்து அதில் கவனம் செலுத்தத் தொடங்கிவிட்டதாலும் மட்டுமே. அதன் காரணமாகவே, பழைய நண்பரொருவரின் பதிவுகளை என் வலைப்பூவிலும் பதித்து வருகிறேன்.

சரி, கேள்விக்கு வருவோம். ஏன் முஸ்லீம்கள் மட்டுமே எப்போதும் ஊடகங்களால் குறிவைக்கப்படுகிறார்கள் என்று ஆதங்கப் பட்டிருந்தார்.

//இல்லையா பின்னே? நீங்கள் தமிழ்நாட்டில் இல்லை. அல்லது குறைந்தபட்சம் தமிழ்கத்தில் எப்படி செய்திகள் வெளி வருகின்றன என அறிய இயலாத சூழ்நிலையாகக் கூட இருக்கலாம். அதனால் உங்களுக்கு இந்தப் பிரச்சினையின் முழுவீச்சும் புரியவில்லை போலிருக்கிறது. ஏன் என்பதற்கு பல விளக்கங்கள் கொடுக்க இயலும். ஒன்று - முஸ்லிம்களிடையே ஒரு பதட்டத்தை உண்டாக்க வேண்டும். அவர்களின் நம்பகத் தன்மையை குலைக்க வேண்டும். அவர்களுக்கு ஆதரவு தர முனையும் அல்லது அவர்களை ஓட்டு வங்கியாக நினைக்கும் அரசியல் கட்சிகளை தள்ளி வைப்பது. என்றுமே இஸ்லாமியர்கள் தங்களுக்கு ஆதரவு அளிக்க மாட்டார்கள் என்பதை உறுதியாகத் தெரிந்து கொண்ட இந்துத்வா அமைப்புகள் இஸ்லாமிய ஓட்டு வங்கியைத் தனிமைப் படுத்தி விட்டால், தங்களுக்கு எந்தப் பாதிப்பும் இருக்காது. மற்ற கட்சிகளுக்கும் அதனால் நன்மை அடையாது என்ற அரசியல் ஒரு முக்கியமான காரியம். இந்துத்வா வாதிகள் போடும் கணக்கு - முஸ்லிம் ஓட்டு வங்கி ஒட்டுமொத்தமாக தங்களுக்கு எதிராக இயங்கினால், மொத்தமாக ஒரு 150 இடங்கள் வரையிலாவது தங்களால் வெற்றி பெறவே முடியாது - அதனால், இந்த ஓட்டு வங்கியைத் தனிமைப்படுத்துவது அவசியம் என்ற கணக்கு தான். அரசியல் ரீதியாக அவர்களுக்கு ஆதாயம் கிட்ட வேண்டுமென்றால் இந்த முஸ்லிம் ஓட்டு வங்கியை அரவணைத்து இயங்க நினைக்கும் அரசியல் கட்சிகளை - அரசியல் வாதிகளை தர்மசங்கடத்திற்கு உள்ளாக்குவது - அந்த அரசியல் வாதிகளின் தேசபற்றை கேள்விக்குரியதாக்குவது - இதெல்லாம் தான் நோக்கம். இதை ஒரு பலமுனை பிரச்சார உத்தியாக அது செய்து வருகிறது. அவற்றில் ஒன்று தான் ஊடகங்கள் மூலம் செய்திகளைத் திரித்து எழுதுவது.
//

அதற்கு விடை சொல்லுமுன்னர், நண்பனே சரியாக என் உலக அறிவைக் குறித்து அவதானித்திருந்தபடி நமக்கு கம்மிதான். மேலும் தமிழ்நாட்டில் பல வருடங்களாய் இருக்கக் கூடிய பாக்கியமும் இல்லை. ரெண்டுமே சரி. ஆனால், பிரபலமான இந்திய, குறிப்பாக தமிழ்ப் பத்திரிகைகளையும் இணையத்திலாவது ஓரளவிற்காவது வாசித்துவிடுவது வழக்கம். அவ்வகையில் நான் புரிந்து கொண்ட வரையில், தமிழ்நாட்டில் முஸ்லீம்களை மட்டுமே குறிவைத்து பிரச்சனைகள் கிளப்பபடுகின்றன என்பது என்னளவில் ஏற்புடையதாக இல்லை. சர்ச்சைக் கிடைத்தால் எந்த மதத்தினரையும் விடுவதில்லை. சதுர்வேதி, சங்கராச்சாரியார் போன்ற 'இந்து' விவகாரங்களுக்கு தமிழ் பத்திரிகைகள் கையாண்ட டேப்ளாய்ட் பல்ப் பிக்ஷன் கவரேஜும் இன்னும் மறக்க வில்லை. மெயின்ஸ்ட்ரீம் பத்திரிகைகளை பற்றியே பேச்சு. ஆர்.எஸ்.எஸ், திராவிட மற்றும் இதர மத சம்பந்தமுள்ளவற்றை கணக்கில் எடுத்துக்கொள்ளவில்லை.

இப்படி சாதாரணமாக இந்தியர் (தமிழர்) ஒருவரென்ற வகையில் என் கண்ணில் படவில்லை. அது நான் போட்டிருக்கும் கண்ணாடியா என்று தெரியவில்லை. அதனாலேயே நண்பன் அளவிற்கு அம்மாதிரி இருந்து, அதனுள் இருப்பதாய் சொல்லும் உள்/வெளி/ஆழக் குத்துகள் என் முதுகில் விழவில்லை. மேலும் பா.ஜ.க-விற்கு ஓட்டுப்போடும் இந்துக்கள் எல்லாம் இந்துவெறியர்கள் என்று சொல்லப்படும் காலத்தில், முஸ்லீம் வோட்டு வங்கி கைப்பற்ற சூழ்ச்சி என்றெல்லாம் அலட்டிக்கொள்ளவேண்டாம். பா.ஜ.க செய்தது என்ன, மு.லீ செய்தது என்ன என்ற கேள்வி அவசியமற்றது. சமயச்சார்புடையதா இல்லையா என்பதுமட்டும் தான் பார்க்கப் பட வேண்டும். தமக்குள்ளேயே தம்மதத்தை சரியாக புரிந்து கொள்ளாத சில நரிகளால் ஒட்டுமொத்த மதத்திற்கும் கெட்ட பெயர் வருகிறது என்று நிதந்தோறும் வருத்தப்படுவோர்க்கு, அதேபோல இந்துமதத்தை புரியாத சில குள்ளநரிகளால் பா.ஜ.கவிற்கு கேடு வருகிறதென்பதை புரிந்து கொள்ள, எடுத்துச் சொல்ல வேண்டுமென்பதில்லை. தமிழகத்தில் தென்மாவட்டங்களில் தேவரும், வடமாவட்டங்களில் வன்னியரும் என்று எல்லா கட்சிகளுக்கும் ஒரு அடிப்படை வட்டம் இருக்கும். அதுபோலவே பதினைந்து சதவிகிதமான முஸ்லீம்களின் ஆதரவைப் பெற்ற கட்சிக்கே பிரதமராய் அமர்வது எளிதாய் இருக்கும். இதுவும் அடிப்படை அரசியல். ஆர்.எஸ்.எஸ், வி.ஹெச்.பி போன்ற fringe அமைப்புகள் ஒரேயடியாக எல்லா ஊடகங்களையும் கையில் எடுத்துக்கொண்டு வாள் சுழற்றுகிறார்கள் என்பது நம்புவதற்கு கடினமாய் இருக்கிறது. இதனாலேயே இவ்வளவு economic மற்றும் political clout உடைய சமூகத்தைப் பற்றி அவதூறோ எதுவோ கிளப்புவதற்கு தேசியக் கட்சிகள் என்ன, கார்த்திக்கின் கட்சி கூட ஆழ்ந்து விளைவுகளைப் பற்றி யோசிக்காமல் முன்வராது. அதே நிலையே பத்திரிகைகளுக்கும்.

உடனேயே அடுத்த கேள்வி வரும். ஏன் சில முஸ்லீம்கள் கேடுகெட்டு தீவிரவாதத்தில் ஈடுபடும் போது மட்டும் மதப்பெயரும் அவமதிப்பிற்கு உள்ளாகிறது? இந்துத் தீவிரவாதியென்றோ கிறித்துவத் தீவிரவாதிகளென்றோ குறிக்கப்படாமல் முஸ்லீம்கள் மட்டுமே இவ்வாறு இழிவுபடுத்தப்படுகின்றனர்?

// என்னைப் பொருத்தவரை ஸ்ரீலஙகாவில் நடக்கும் பிரச்சனைக்கு இந்து/புத்தம் என்று வர்ணம் புகுத்தாமல் தமிழே முதன்மைப்படுத்தப்படுகிறது. //

இலங்கையில் மதம் முன்னிறுத்தப்பட வேண்டிய அவசியமேயில்லை. அங்கு முன்னிறுத்தப்படுவது இனம் தானே தவிர, மதம் அல்ல. தமிழர்களை யாரும் தீவிரவாதி என்று குறிப்பிடுவதில்லை. இலங்கை அரசு கூட தங்கள் ஊடகங்களில் போராளிகள் என்று தான் கூறுகின்றனரே தவிர, தீவிரவாதிகள் என்றல்ல. ஆனால், ஆரம்பகாலங்களில், தமிழ் போராளிகளைத் தமிழக ஊடகங்களில் சில தமிழ் தீவிரவாதிகள் என்றே குறிப்பிட்டு வந்தது. இப்பொழுதும் கூட இலங்கை விடுதலை வீரர்களை போராளிகள் என்று குறிப்பிடும் ஊடகங்கள், தமிழகத்தில் நடக்கும் சில குற்றங்களை தமிழ் தீவிரவாதிகள் செய்தனர் என்றே கூறி வருகின்றன. அதாவது தங்கள் நிலைபாட்டிற்கு எதிரான கொள்கையுடையவர்களை அவர்கள் சார்ந்த இனத்துடன் சேர்த்தே குறிப்பிடுவது என சில பத்திரிக்கைகள் கொள்கை வைத்திருக்கின்றன.

// அல்-கயிதாவில் ஆரம்பித்து லாஷ்கர்-இ-தொய்பா வரைக்கும் தங்களின் மதத்தையே முன்னிருத்துருகின்றனர். அத்தகைய குழுக்களின் (ஹமாஸ் உட்பட) பெயரினில் தங்களின் மதம் சம்பந்தபட்டுள்ளதே: இஸ்லாமிஸற்க்கு எதிர்ப்பானதனொன்று. இது புரியாமலா இருக்கிறீர்கள்? //

ராமநாதன் - நீங்கள் என்ன புரிந்து கொண்டீர்கள்? இந்த குழுக்கள் எல்லாம் இஸ்லாத்தை நிலை நிறுத்துவதற்காகவும், பரப்புவதற்காகவும் ஏற்படுத்தப்பட்ட அமைப்பு என்றா நீங்கள் புரிந்து கொண்டீர்கள்? அராபிய, பாரசீக, உருது பெயர்கள் இருந்தாலே அவை இஸ்லாத்தோடு சம்பந்தப்பட்டது என்று நீங்கள் நினைத்தால் - அதை நான் எப்படி எடுத்துக் கொள்வது?

ஹமாஸ் - பாலஸ்தீன விடுதலைப் போராட்ட குழு. அவர்கள் நோக்கம் பாலஸ்தீனர்களின் தாயகத்தை விட்டு ஆக்கிரமிப்புகளை நீக்க வேண்டும் என்ற உரிமைப் போராட்டத்திற்காக ஏற்படுத்தப் பட்ட ஒரு குழு. ஒரு இனத்தின் விடுதலைக்காக போராடும் அமைப்பு அது. இஸ்லாத்தைக் காக்க தோற்றுவிக்கப்பட்ட இயக்கம் அல்ல அது.

அதே போல அல் கொய்தா - அமெரிக்கர்களிடம் கேட்டால் சொல்லுவார்கள் - எதற்காக இந்த அமைப்பு ஏற்படுத்தப்பட்டது என்று. ஆயுதங்களை எடுத்துச் சென்று ரஷ்யர்களுக்கு எதிராகப் போராடும் முஜாஹிதீன்களுக்கு கொடுப்பதற்காக ஒரு அமைப்பை ஏற்படுத்தி, அவர்களுக்கு நவீன பயிற்சிகள் எல்லாம் கொடுத்து, பின்லேடன் தலைமையில் அனுப்பி வைத்தனர். இது இன்று உலக வரலாறு. அனைவரும் அறிவர்.

பின்னர் பின்லேடன் அமெரிகாவிற்கு எதிராக திரும்ப காரணமாக அமைந்தவை -
//
//உலக நடப்புகள் பற்றி இன்னமும் கூட கொஞ்சம் முனைந்து அறிந்து கொள்ளுங்கள்.

பாலஸ்தீனம்

ஈழம்

காஷ்மீரம்

இந்த மூன்றின் பிரச்சினைகளின் பரிமாணங்கள் வேறு வேறு.

பாலஸ்தீனம் - விரட்டியடிக்கப்பட்ட மக்களின் குரல்.

ஈழம் - பேரின வாத அரசு ஒடுக்குமுறைகளிலிருந்து விடுபட முனையும் குரல்.

காஷ்மீரம் - விதிகள் வழுவிய அரசுகளின் சாணக்யத்தனத்திற்கு எதிரான குரல்.

இந்த மூன்றையும் ஒரே நேர்கோட்டில் கொண்டுவந்து நிறுத்தியது தற்செயலான சிந்தனை தானா, ராமநாதன்?

உங்களுக்குத் தான் தெரியும்!!!
//
அதற்கு இலங்கையும், காஷ்மீரும், பாலஸ்தீனமும் என்று உதாரணம் சொன்னேன். அதற்கும் நீண்ட விளக்கம் அளித்திருக்கிறார். தற்செயலான சிந்தனை தானா என்று கேட்டு நான் ஏதோ துவேஷத்தோட சொன்ன மாதிரி சொல்லியிருக்கிறார். ஆனால் நான் சொல்ல வந்ததை புரிந்து கொள்ளவில்லையோ என்று எண்ணத் தோன்றும் வகையில். இலங்கையில் நடப்பதிலும் ஒருவகையில் நிலத்தின் மீதான குரல் தான். நான் புரிந்துகொண்டது தவறோ? புலிகள் தனி ஈழமோ அல்லது சுயாட்சியோ முக்கிய கோரிக்கைகளில் ஒன்றாக கேட்பதாக அல்லவா நினைத்துக்கொண்டிருந்தேன்? மேலும், அந்தச் சண்டையில் புத்த மதமும் இந்து மதமும் நேரிடையாக மோதிக்கொள்வதென்ற கோணமும் அடங்கியிருக்கிறதல்லவா? ஆனால், அவை முன்னிறுத்தப்படாமல் அவர்களின் உரிமையே நிலைநிறுத்தப்படுகிறது.

காஷ்மீர் மற்றும் பாலஸ்தீனத்திற்கு வருவோம். மேலும் விளக்கம் அளிக்குமுன் சோதனையாக ஒரு பின்னூட்டமிட்டேன். அதற்கு பொறுப்பாக பதிலளித்திருந்தார். அதையும் குறிப்பிட்டிருந்தேன்.

//
உங்களுக்கு இஸ்ரேலிய நண்பன் இருப்பதில் தவறில்லை. ஆனால், அதே சமயம் தங்களுடைய ஆக்கிரமிப்பை எதிர்த்துப் போராடும் ஒருவரை அவர் உயர்வாக பேச வேண்டும் என்று எதிர்பார்ப்பது தவறு.

அராபத் பற்றி இதுவரையிலும் ஒரு வார்த்தை கூட பேசப்படவே இல்லாத பொழுது திடீரென்று அவரை அமைதியின் சீடர் என்று நான் கூறினேன் என்கிறீர்கள். எப்படி?

அராபத் அமைதியின் சீடர் இல்லை தான். ஏன் அவர் அமைதியின் சீடராக இருக்க வேண்டும்? அவர் ஒரு போராளி. இஸ்ரேலியர்களை எதிர்த்துப்போர் செய்தார். இஸ்ரேலும் அவரை எதிர்த்துப் போர் செய்தது. யுத்த நெறிமுறைகளை இருவருமே சரிவர கையாளவில்லை. ஆனால், அராபத்தின் பக்கம் நியாயம் இருந்தது. ஒடுக்கப்பட்ட மக்களின் விடுதலை வேட்கை இருந்தது. ஆனால், இஸ்ரேலின் பக்கம் இது எதுவும் இல்லை. ஆக்கிரமிப்பு - மேலும் மேலும் ஆக்கிரமிப்பு. உலக நாடுகள் அனைத்தும் எதிர்த்துக் குரல் கொடுத்தாலும், தங்கள் இஷ்டம் போல செயல்படும் திமிர் இருந்தது. உலக நாடுகளை இஸ்ரேல் போல அலட்சியப்படுத்திய நாடு வேறு எதுவும் இருக்காது.
//

முதலில் //ஆனால், அதே சமயம் தங்களுடைய ஆக்கிரமிப்பை எதிர்த்துப் போராடும் ஒருவரை அவர் உயர்வாக பேச வேண்டும் என்று எதிர்பார்ப்பது தவறு. // அவர் உயர்வாக பேசவேண்டுமென்பதில்லை. சொல்லப்போனால் ஆக்கிரமிப்பாளர்களென்று அநியாயமாக சொல்வதாக சொல்லி தாழ்வாகவே பேசியிருக்கலாம். பாலஸ்தீனியர்களுக்கு இஸ்ரேலை திட்ட உரிமையிருக்கிறதென்றால், இஸ்ரேலியர்களுக்கும் அது உண்டு. இஸ்ரேலுக்கு உரிமையில்லையா? தனிநாடாக இருந்து அரபு நாடுகள் செய்த போர்கள், இன்றளவும் சந்திக்கும் தீவிரவாதங்களை எதிர்கொள்வதிலிருந்து உரிமை வராதா? ஜனநாயக நாடுகளில் ஒரு தவிர்க்க முடியாத பிரச்சனை உண்டு. தீவிரவாதமென்று வந்துவிட்டால், அவர்களிடம் அளவிற்கு அதிகமான வன்முறையே கையாளும். integrity க்கு இது மிகவும் அவசியமாகிப் போவதால் இது தவிர்க்க முடியாது.

//நீங்கள் என்ன புரிந்து கொண்டீர்கள்? இந்த குழுக்கள் எல்லாம் இஸ்லாத்தை நிலை நிறுத்துவதற்காகவும், பரப்புவதற்காகவும் ஏற்படுத்தப்பட்ட அமைப்பு என்றா நீங்கள் புரிந்து கொண்டீர்கள்? அராபிய, பாரசீக, உருது பெயர்கள் இருந்தாலே அவை இஸ்லாத்தோடு சம்பந்தப்பட்டது என்று நீங்கள் நினைத்தால் - அதை நான் எப்படி எடுத்துக் கொள்வது? //
இதையே நீங்கள் என்ன புரிந்து கொண்டீர்கள் என்று நான் கேட்க முடியும். விரட்டியடிக்கப்பட்ட மக்களின் குரலென்று கல்நெஞ்சும் உருகும் வகையில் சொன்னாலும் ஹமாஸும், அல் கொயிதாவும் செய்வதை கண்டிப்பாக நீங்கள் நியாயப்படுத்த மாட்டீர்கள் என்று எனக்குத் தெரியும். அதனால் அதற்குள் போகாமல், இதற்கு மட்டும் பதில் சொல்லுங்கள். இரானிய அதிபரில் ஆரம்பித்து பச்சா தீவிரவாத கூட்டத்து ஆட்களெல்லாம் பேசும் பேச்சுகளை கேட்டிருக்கீறீர்களா? பிபிசி, இண்டிபெண்டண்டில் ஆரம்பித்து ஆஸ்திரேலியன் ஏஜ் வரை உலக பத்திரிகைகள் அனைத்தும் அவர்கள் பேசும் அமைதி ததும்பும் பேச்சுகளை வேண்டுமென்றே ஆங்கிலத்தில் தவறாக மொழிபெயர்த்து islamophobia விற்கு தீனி போடுகிறார்கள் என்கிற மாதிரி இருக்கிறது மதம் அதில் சம்பந்தப்படவில்லையென்கிற உங்கள் கருத்து. இது உண்மையா? அராபத்தின் இந்த இரட்டைவேடம் பலமுறை சந்திசிரித்திருக்கிறதே. சுட்டிகள் தேடித்தருகிறேன். இப்போது கைவசம் இல்லை.

அவ்வகை புரட்சிப்பேச்சுகளில் "அல்லா அவர்களின் பெயரால் தலையை எடுப்போம். இன்னும் குண்டு போடுவோம். இந்த jews களை கடலுக்குள் விரட்டுவோம். கையை வெட்டுவோம்"னு சொல்றதெல்லாம் மேற்கத்திய ஊடகங்களின் கற்பனை, இல்லையா? அதற்கு உடனே வரும் பதில் மூன்று வகைகளில்.

1. இஸ்ரேல் பாலஸ்தீனிய குழந்தைகளை கொன்றார்கள். கர்ப்பிணிப் பெண்களை கற்பழித்தார்கள். அவங்க மேல உங்களுக்கு பாவமே இல்லியா? இதெல்லாம் கேட்க நாதியில்லியா? சொந்த நாட்டிலேயே அகதிகளாய் திரிகிறார்களே? என்று செண்டி பிட் போடுவது ஒரு வகை. இவற்றையெல்லாம் நியாயப்படுத்தவில்லை, ஆனால் மேற்கூறிய என் கருத்துக்கும் இதற்கும் என்ன சம்பந்தம் என்று புரியாமல் பலமுறை முழித்திருக்கிறேன்.

2. ரெண்டாவது வேலு நாயக்கர் ஸ்டைல். அவன நிறுத்தச் சொல்லு நான் நிறுத்தறேன்.

3. அவர்கள் அறியாமல் பேசுகிறார்கள். அவர்களை வைத்து எங்களை மதிப்பிடுவதா என்று மடக்குவது. சரி, இரானிய அதிபர் கறவர் சாதாரணப்பட்டவரா? அறியாமையால் பேசுகிற பதவியா? சரி, அவர் ஏதோ மக்கு. சொல்லிட்டாரு. கூட இருக்கறவங்கள்ல யாராவது கண்டிச்சாங்களா? எனக்குத் தெரிஞ்சு இல்ல. இந்த மாதிரி எழுச்சியா பேசுனா கும்பலோட சேர்ந்து டேபிள் தட்டறாங்க என்று நினைக்கும் வகையிலேயே மவுனம் காக்கிறார்கள். டென்மார்க்கில் ஒண்ணுனோன புரட்சி செய்த அரேபியர்கள் பத்தி செய்திகளா கொட்டுது. வலைப்பூவிலும் பின்னறாங்க. ஆனா, இந்த மாதிரி விஷயத்துல மட்டும் எல்லா பத்திரிகைகளும் புஷ்கிட்ட கையூட்டு வாங்கிகிட்டு இந்த மாதிரி கிறுக்குகளை கண்டிக்கற லட்சக்கணக்கான முஸ்லீம் பெரியவர்கள் சொல்றதப் பத்தி போட மாட்டேங்கறாங்க. இல்லியா? இரானிய அதிபர் சொன்னது கருத்துச் சுதந்திரம்னா, கார்ட்டூன் போட்டதும் கருத்துச் சுதந்திரம் தானே? இதுக்கு புரட்சி, அதுக்கு மவுனம். ஏனோ? எங்கேயோ ஒரு கோடியில் நடந்ததற்கு பாகிஸ்தானில் கொடியெரிப்பு, இந்தோனேஷியாவில் தூதரக எரிப்பு. இதுக்கெல்லாம் வலுவா மறுப்புகளும் கண்டனங்களும் வந்திருக்கிறதா. இல்லை. sorrynorwaydenmark என்று புதுத்தளம் அமைத்த சில reasonable இளைஞர்கள் எழுதியிருப்பதைப் போலப் பேசினாலே போதுமே. யாரும் ரவுண்ட் கட்டி அடிக்க மாட்டார்கள்.

இதை மட்டும் நேர்மையா செஞ்சாலே போதும். யாரும் தவறா எழுத வேண்டிய அவசியமே கிடையாது. ஏன் இப்படி செய்யறாங்க? நடுஇராத்திரி மூணு மணி வரைக்கும் தூக்கம் வராம மண்டையப் பிச்சுகிட்டாலே மட்டும் வரக்கூடிய விளக்கம். உலகெங்கும் வேகமாய் பரவிவரும் அமைதி மார்க்கமான இஸ்லாமை கண்டு பொறுக்காமல் மேற்கத்திய ஊடகங்கள் எதிர்க்கிறார்கள். அதான் எல்லா மக்களும் சேர்ந்துக்கறாங்களே. அப்படின்னா அவங்க அவதூறு campaign வெற்றி பெற வில்லைன்னு தானே அர்த்தம்? இது எப்படின்னா, சன் டிவியில தமிழ்நாடே அரசுக்கு எதிரா திரண்டு நிக்குது. டீக்கடையிலல்லாம் ஜெவ த் திட்டித் தான் பொழுது போக்கறாங்கன்னு நியுஸ் போடறா மாதிரி. அதப் போட்டுட்டு அப்புறமா தோத்துப்போனா தமிழன் சோறு திங்கறானான்னு கேள்வி கேக்கறது.

//யூதர்கள் தங்கள் ஆக்கிரமிப்புகளை விட்டு வெளியேறி, பாலஸ்தீனர்களுக்கு உரிமைகளைக் கொடுத்து விட்டால் எல்லா பிரச்னைகளுமே தீர்ந்து விடப் போகிறது. கடந்த மாதம் நடந்த GCC மாநாட்டில், அரபு நாடுகளின் அனைத்து தலைவர்களும் இஸ்ரேலுக்கு அழைப்பு விடுத்திருக்கின்றனர் - அணு ஆயுத ஒப்பந்தத்தில் கையெழுத்திட்டு, மத்திய கிழக்கை அணு ஆயுதமற்ற பிராந்தியமாக அறிவிக்க. இஸ்ரேலுக்கு அழைப்பு விடப்பட்டது என்பதே - அவர்களை ஒரு நாடாக மதித்து தான். இஸ்ரேல் பாலஸ்தீன பிரச்சினைக்கு தீர்வு வெகு தூரமில்லை என்று எண்ணத் தோன்றுகிறது. அதே போல, எகிப்துக்கும் இஸ்ரேலுக்கும் தொடர்புகள் இருக்கின்றன. ஜோர்டான் கூட இஸ்ரேலுடன் குறிப்பிடத்தக்க - ஆனால், வெளிப்படையாக இல்லாமல் உறவு வைத்துக் கொண்டே இருக்கிறது. யூதர்கள் ஆக்கிரமிக்கப்பட்ட அனைத்து பகுதிகளையும் விட்டு வெளியேறி விட்டால், பிரச்சினை தீர்ந்து விடும் என்றே தோன்றுகிறது.
//
அரபு நாடுகளின் தேவை இஸ்ரேலிற்கு இருக்கிறதோ, நட்பு நாடாய் பார்த்தால் அதனிலிருந்தும் பலவிஷயங்கள் அரபு நாடுகளுக்கு பயன்படும். மேலும் பாலஸ்தீனியப் பிரச்சனையில் குட்டையை குழப்பிய ஜோர்டான், சவுதி போன்ற நாடுகளுக்கு பாலஸ்தீனியர்கள் மீது இருக்கும் அபிமானம் கொஞ்சம் வரலாற்றை புரட்டினாலே தெரியும். ஏன் அவ்வப்போது அப்பிரச்சனை கொழுந்துவிட்டெரிகிறது என்பது எளிதில் புலப்படும். இஸ்ரேல் பாலஸ்தீனியர்களின் spirit-ஐ அழித்துவிட பார்த்தால் முடியாத காரியமொன்றுமில்லை. ஆயுதமெல்லாம் வேண்டாம். மின்சாரமும், தண்ணீரும் போதும். இஸ்ரேலைப் பொருத்தவரை பாலஸ்தீனத்தில் ஹமாஸ் வந்தது மிகப் பெரும் setback. ஹமாஸ் காரர்கள் புத்திசாலித்தனமாக நடந்துகொண்டால், மிரட்டும் அமெரிக்காவும் மற்ற நாடுகளையும் எளிதில் சமாதானப்படுத்திவிடலாம். மேலும் ஷரோன் இல்லாத இஸ்ரேலிடமிருந்து அமைதியைப் பெறுவது முன்னரைவிட எளிதாகிவிட்டது. அதற்கு பதிலாக அரபு நாடுகளிடமிருந்து வரும் நிதியே போதுமென்று கனவும் காண்கிறது. உண்மையான நிலை என்னவென்று நான் சொல்லித்தான் தெரியவேண்டுமென்பதில்லை. இஸ்ரேலிற்கு அழைப்பு விடுப்பது நகைப்புக்குரியதொன்றாக இருக்கிறது. பாகிஸ்தானின் அணுஆயுத பிஸினஸ் வெகு ஜோராக நடந்து அரபு நாடுகளின் நிலை என்னவென்று அறியாத நிலையிலும், இரானிய அதிபர் போன்ற தெளிவான ஒருவரிடம் அத்தகைய ஆயுதங்கள் இருக்கப்பெறும் சாத்தியங்களும் இருப்பதாலும், இஸ்ரேல் நிச்சயம் ஒத்துப்போகாது என்று தெரிந்தே நடந்த நாடகமென்றே எனக்குத் தோன்றுகிறது.

எதுவாகினும், இஸ்ரேலிய பாலஸ்தீன பிரச்சனைக்கு பெரும்தலைகளே தீர்வு காணத் திணறும்போது நாமிருவரும் அதைப் பற்றிப் பேசி பயனில்லை. நீங்கள் கேட்ட கேள்விகளுக்கு என்னளவில் திருப்திகரமாய் பதிலெழுதியிருக்கிறேன் என்றே நினைக்கிறேன். விளக்கங்கள் தேவையெனில் கேட்கவும்.
கண்டிப்பாக எனக்கு தெரிந்த அளவு எழுதுகிறேன். இப்போதைக்கு இவ்வளவு தான்.

----
சில குறிப்புகள்:
1. bias இருக்கலாம். நானும் ஒத்துக்கொள்கிறேன். கண்ணாடி போட்டுக்கொண்டு தானே எல்லாரும் பார்க்கிறோம். ஆனால் இது மத துவேஷ பதிவு இல்லை என்பது படிக்கும் எல்லாருக்கும் புரிந்திருக்கும். என்னை அறிந்தவர்களுக்கு அது தெரியும். மற்றவர்களுக்கு விளக்கம் கொடுக்க வேண்டிய அவசியம் எனக்கில்லை. சும்மா ஜாலியா வந்துட்டு, வந்த பாவத்துக்கு நாலு வசவு பாடி இது 'அது'தான் என்று நினைத்து மாத்திரம் கருத்துச்சிலம்பம் ஆடினால் கண்டிப்பாக பிரசுரம் செய்ய மாட்டேன்.

2. இப்பதிவிற்கு பலரிடமிருந்து பலவகை எதிர்க்கருத்துகளும் வரும் என்று தெரியும். அவை 1 ஆக இல்லையென்றால் கண்டிப்பாக வரவேற்கிறேன்.

3. இப்பதிவை எழுதி என் மேல் இருக்கும் பிம்பத்தையும் உடைத்துக்கொள்ளவேண்டுமா என்று நிறைய யோசித்தேன். ஆனால், நண்பனிடம் பதில் எழுதுவதாக சொல்லிவிட்டு அதைச்செய்யாவிட்டால் அவமரியாதையாக இருக்குமென்பதாலும், அநாதிநாதர் போன்றவர்கள் நான் பதில் போடாடதற்கு புது கற்பிதம் செய்ததைப் போல் எத்தனை பேர்கள் செய்திருப்பார்கள் என்பதையும் நினைத்தே இப்பதிவு.
---
நன்றி

தீயினால் சுட்ட புண்...

எனக்கும் வார்த்தைகளை அளந்து, நிதானமாய் பேச வேண்டும் என்று ரொம்ப நாளாய் ஆசை. மிகவும் பிரயத்தனப்பட்டு இப்போது ஓரளவிற்கு முன்னேற்றம் ஏற்பட்டிருக்கிறது என்று தான் நினைக்கிறேன். சரிக்கு சமானமவரிடத்தில் பேசுவது வேறு வகை. ஆனால், சமூகத்தில் நம்மை விட தாழ்ந்த (பொருளாதார), என்று நாம் கருதும் நிலையில் இருப்பவர்களிடம் பேசும் போது ஓவர் கரிசனம் காட்டினால் - patronizing என்றும் ஓவர் ஏளனம் செய்தால் - கர்வமென்றும் - ரெண்டுமே வெறுக்கப்படும். கத்திமேல் நடப்பது போன்றது இது. எவ்வித நிலைப்பாடும் இன்றி, சாதாரணமாக பேசும்போது ஓரளவிற்கு சிந்தித்துப்பேசினாலும், கோபம் தலைக்கேறிவிட்டால் என்ன சொல்கிறோம், அதை அடுத்தவர் எப்படி புரிந்துகொள்வார்கள் என்பது என்னை உட்பட பலருக்கும் மறந்தே போய்விடுகிறது என்பதை கவனித்திருக்கிறேன். ஏன், இங்கே வலைப்பூக்களிலும் இதுதானே நடக்கிறது. எடுத்தேன் கவிழ்த்தேன் பேச்சுகளே பல இடங்களில் நிறைந்திருக்கின்றன. நான் என் வாழ்க்கையில் என்னையே மன்னிக்க முடியாதபடி சில முறைகள் அவ்வாறு கோபத்தில் பேசியது உண்டு. அவற்றைக் குறித்து பின்னர் சிந்திக்கும்போது, ஏன் இப்படி நம் வாயிலிருந்து இப்படிப்பட்ட குரூர வார்த்தைகள் வந்தது எண்ணிப்பார்ப்பதுண்டு.

ஒருமுறை எங்கள் ஹாஸ்பிடல் வாசலில் விண்டர் ஜாக்கெட் வைக்குமிடம். நான் என் ஜாக்கெட்டை கழற்றி காத்திருந்த வயதான பெண்மணியிடம் கொடுக்கலாம் என்று திரும்பியபோது பலநாள் சந்திக்காத நண்பன் வந்தான். கோட்டை என் கையிலேயே வைத்துக்கொண்டு அவனிடம் பேசலானேன். பொறுத்துப்பார்த்த பெண்மணி "அஞ்சு நிமிஷமா வெயிட் பண்றேன். கோட்ட கொடுத்துட்டு பேசக்கூடாதா?" கற மாதிரி சாதாரணமாகத்தான் கேட்டாள். என்ன நடந்ததோ தெரியவில்லை, ஏன் அப்படி கோபம் வந்ததென்றும் புரியவில்லை. "கோட்டை நாங்க எப்ப கொடுக்கறோமோ அப்ப வாங்கிக்கத்தான் வேலைக்கு உங்கள வச்சுருக்காங்க. அதனால, எப்ப கொடுக்கணும்னு நீங்க சொல்ல வேணாம். நிக்க ரொம்ப கஷ்டமாயிருந்தா வேற வேல தேடிக்கலாமே" னு சத்தமா சொல்லிட்டேன். அறையில் எல்லோரும் ஒரு நிமிஷம் சைலன்ட் ஆயிட்டாங்க. அந்தப் பெண்மணி முகத்தை தொங்கப்போட்டுக்கொண்டவுடன் உறைத்தது. 'அடப்பாவி, இப்படி அவமானப்படுத்தனுமா.. கோட்டைக் கொடுத்துட்டு பேசினா என்ன குடியா முழுகிப்போகிறது' என்று என் மனம் பதைபதைத்தாலும், எல்லாரின் பார்வையும் என் மீது இருந்ததால் சட்டென மன்னிப்பு கேட்க ஈகோ இடம் கொடுக்கவில்லை. திகைத்துப் போய் நின்ற நண்பனுடன், ஒன்றுமே நடக்காதது போல் மீண்டும் தொடரலானேன். ஆனால், கூட்டம் சற்றும் கரையும் வ்ரையில் தொடர்ந்த வெட்டிப்பேச்சில் ஒரு வார்த்தைகூட மனதில் நிக்கவில்லை. மனதை உறுத்திக்கொண்டேயிருந்தது. இப்படி பேசிவிட்டோமே. நாம் அந்தப் பெண்மணியின் இடத்தில் இருந்து இப்படி கேட்க வேண்டியிருந்தால் எப்படி வலித்திருக்கும் என்று புல்லட் ட்ரெயின் கணக்காய் கில்ட் பீலிங் ஓடிக்கொண்டிருந்தது. நண்பன் விடை பெற்றுக் கொண்டபின், மெதுவாய் அந்தப் பெண்மணியிடம் சென்று கோட்டை கொடுத்தேன். பதிலேதும் சொல்லாமல் டோக்கன் கொடுத்தாள். 'நான் அப்படிப்பேசியிருக்கக்கூடாது. மன்னித்து விடுங்கள்' என்றேன். பெருந்தன்மையாய் 'இருக்கட்டும் தம்பி, உங்களுக்கு என்ன டென்ஷனோ.. அது என்மேல கோவமா திரும்பிடுச்சு. பரவாயில்ல. Have a good Day'னு சொல்லிட்டு உள்ள போயிட்டாங்க. அப்பெண்மணி அவ்வாறு பெருந்தன்மையோடு மன்னித்தது என் குற்ற உணர்வை அதிகரிக்க செய்ததே தவிர குறைக்கவில்லை.

(அதிகாரமில்லா) ஏழைகள் என்றால் இளக்காரம் என்பது இல்லை. அந்தப் புரிதலெல்லாம் உண்டு என்றுதான் நம்பியிருந்தேன். ஆனால், sub conscious ஆக அது இன்னமும் இருக்கிறதோ என்று சிந்திக்க வைத்த நிகழ்ச்சி இது. 'க்ளாசுக்கு கரெக்ட் டைமிற்கு வரவேண்டும்' என்று சொல்லும் பிரின்ஸிபாலிடம், 'நான் பணம் கட்டறேன். எப்போ வேணா வருவேன். உனக்கு என்ன பிரச்சனை'னு சொல்ல முடியுமா? நம் கையில் அப்போது அதிகாரமில்லை. அவரைக்காட்டிலும் கீழ்நிலையில் இருக்கிறோம். நம் ஆசிரியர்களிடமும், பாஸ்களிடமும் நாம் சொல்வதை அவர்கள் மதிக்க வேண்டும் என்று எண்ணும் சமயத்திலேயே, உங்கள் வீட்டில் வேலைசெய்வோர், 'இப்படிப் பண்ணக்கூடாது தம்பி'னு சொன்னா அந்த நிமிடத்திற்கு சரியென்று ஒத்துக்கொண்டாலும், உள்மனதில் 'சே, இவனுக்கு என்ன யோக்கியதை நமக்கு சொல்றதுக்கு'னு ஒரு வினாடியாவது தோணும். இதில் நாம் எந்த நிலையில் இருக்கிறோம், அவர்கள் எந்த நிலையில் இருக்கிறார்கள் என்று வெறும் லெவலைப் பார்த்து வரும் கோபமேயன்றி, அவர் சொல்லும் கருத்தில் நமக்கு பயனுள்ளதா என்று பார்ப்பதில்லை. நமக்கு கீழே இருப்போர் நமக்கு அறிவுரை சொல்லத் தகுதியற்றவர்கள் என்று சொல்வதைப் போல் முட்டாள்தனம் என்பதை பலரும் உணர்ந்தே இருக்கிறோம். ஆனால், இந்தத் தெரிவுடனேயே எந்நேரமும் சிந்திக்க முடிகிறதா, என்றால் இல்லை. நமக்கு மேலே இருப்பவர்கள் நம்மை மதிக்க வேண்டும் என்று எண்ணும் நமக்கு நாம் கீழேயிருப்போரை எப்படி நடத்துகிறோம் என்று உறைப்பதில்லை. கீழே இருப்போர் என்று நான் மீண்டும் மீண்டும் குறிப்பிடுவது பொருளாதார அளவில்தான். அவர்களை மதிப்பதில் என்னென்னவோ ஈகோ பிரச்சனைகள். இல்லையென்று மேம்போக்காக மறுத்தாலும்.. இந்தப் பேய் நம்மில் பலரை இன்னும் விட்டு அகலவில்லை என்றுதான் தோன்றுகிறது. என்னளவில் மாற முயற்சி செய்துகொண்டுதானிருக்கிறேன்.

சுவற்றில் கிறுக்கும் கிறுக்கன்கள்!

நடராஜப் பெருமானின் ஆடும் திருக்கோலம் பல கோயில்களில் இருந்தாலும், தமிழகத்தில் ஐந்து இடங்களில் சிறப்புமிக்கதாக கருதப்படுகிறது. மற்ற நான்கில் விக்கிரக உருவமாக உள்ள நடராசர் ஓவிய ரூபமாய் ஆடும் திருத்தலம் திருக்குற்றாலம். இதற்கு 'சித்திர சபை' என்ற பெயருமுண்டு (மற்ற நான்கு--- கனகசபை - சிதம்பரம்; வெள்ளிசபை - மதுரை; தாமிரசபை - திருநெல்வேலி; இரத்தினசபை - திருவாலங்காடு).

சுமார் 500-600 வருடங்களுக்கு பராக்கிரம பாண்டியன் காலத்தில் இந்த சபை கட்டப்பட்டது. முற்றிலும் மூலிகை வண்ணங்களால் தீட்டப்பட்ட நடராசர், மற்றும் பல்வேறு உருவங்கள் மிக அழகாக வரையப்பட்டுள்ளன. நான் எழுத வந்தது இந்த ஓவியங்களின் சிறப்பை பற்றியல்ல. அவற்றைப் பற்றி இங்கே காணலாம்.

ஆனால் இத்தகைய பழங்கால சிறப்புமிக்க ஓவியங்களின் மீது சில மூடர்கள் கிறுக்கிவிட்டு சென்றிருக்கிறார்கள். கிறுக்குவதையும் ஓரமாக செய்து விட்டு போனால் ஏதோ ஆர்வக்கோளாறு என்று எண்ணி விட்டு தொலையலாம். ஓவியங்களில் உள்ள உருவங்களின் மேல் எழுதியும் உருவங்களின் கண்கள் உள்ள இடத்தை சுரண்டியும் சென்றிருக்கின்றன இந்த குரங்குகள். மாரி என்பவர் செல்வராணி என்ற தன் துணையோடு 1991- ஆம் வருடம் மே மாதம் வந்து விட்டு போனதாக 500 ஆண்டுகளுக்கு முற்பட்ட அழகிய ஓவியங்களில் மேல் கிறுக்குவெட்டு விட்டு சென்றிருக்கிறார். வற்றாத வடவருவி என்ற சிறப்புமிக்க அருவியில் குளித்ததில் மூளை கலங்கித்தான் விட்டதோ என்று எண்ணத்தோன்றுகிறது. தெய்வங்களின் மீது நம்பிக்கையில்லாதோர் ஆயினும் கலை என்ற அளவிலாவது இத்தகைய வரலாற்றுச் சின்னங்களுக்கு மரியாதை கூட கொடுக்கத்தெரியாத மூடராகவா ஒருவர் இருக்க முடியும்?

ஒரு ஓவியத்தைக் கூட விட்டு வைக்கவில்லை. எல்லாவற்றிலும் கிறுக்கல்கள். மாரி அவர்களின் பெயரைச் சொல்ல காரணம் அவர் ஒரு இடம் என்றில்லாமல் பல ஓவியங்களை களங்கப்படுத்தியிருந்தார். தஞ்சை பெருவுடையார் கோயிலைக் கட்டிய பேரரசன் இராசராசனே, தன் சிலையை தான் கட்டிய கோயிலில் நிறுவவில்லை. அவ்வளவு பெரிய கோயிலில் உள்ள கல்வெட்டுகளில் அவன் பெயர் தட்டுபடுவதே மிக அரிது. ஆனால் இந்த மாரி போன்றோர்களோ தானும் கட்டவில்லை, இருப்பதையும் அழிப்பவர்களாய் இருக்கின்றனர். நம்மூரில் கோயில்களுக்கு 100 ரூபாய்க்கு ட்யூப் லைட்டு வாங்கிவிட்டு வெளிச்சமே வெளியே வராமல் மறைத்து உபயம் என்றெழுதும் பண்பு செழிப்பாக இருக்கிறது. அதுவாவது அவர்கள் 100 ரூபாய், எழுதிக்கொள்ளட்டும். சும்மா வந்துவிட்டு பொதுசொத்துக்களை நாசமடிக்கும் கூட்டத்தை என்ன செய்வது என்றே தெரியவில்லை.

கண்கெட்ட பிறகு சூரிய நமஸ்காரமாய், இப்போதுதான் அரசாங்கமும் இரும்பு வேலியமைத்திருக்கின்றனர். புகைப்படம் எடுக்க அனுமதியில்லை. என்ன செய்து என்ன பயன்? அழிக்கப்பட்ட ஓவியங்களை திரும்பப் பெற முடியுமா? வரலாற்று சின்னங்களை இவ்வளவு துச்சமாகக் கருதும் அலட்சியம் அதிர்ச்சியைத் தருகிறது.

இந்த கெட்ட பழக்கம் இங்கு மட்டுமில்லை. கோயில்கள், வரலாற்று சிறப்புமிக்க வேறு இடங்கள் என்று எல்லா பொது இடங்களிலும் கிறுக்கிவிட்டு செல்கின்றனர். அதற்கு உதாரணமாக 30.04.05 அன்று ஆடும் நடராசப் பெருமானுக்கு பதில் கிறுக்கும் நடராஜ் அவர்கள் தமிழ்ச்செல்வி என்ற தமது துணையுடன் தஞ்சை அரண்மனை கோபுரத்தினுள்ளே எழுந்தருளியிருந்தார் என்பதற்கான அரிய வரலாற்று நினைவுச் சின்னத்தை காண்க. கண்டு களிப்புறுக.

வரலாற்றுச் சிறப்புமிக்க கிறுக்காகிப்போன இந்த நடராஜ்!

தமிழ்ப்பாதுகாப்பும் டாக்டர் ஐயாவும்...

இளங்கோவன் ஜெஜெவுடன் அறிக்கைப்போர் செய்து போரடித்துவிட்டது போலிருக்கிறது. ராமதாஸையும், திருமாவையும் வம்புக்கிழுத்துள்ளார். ஆனால் கொஞ்சம் எடுத்தேன் கவிழ்த்தேன் ரக வகையில் வேண்டுமென்றெ கடுமையாக பேசியுள்ளார்.self proclaimed தமிழ்க்குடிதாங்கியாய் இராமதாஸ் மாறியிருப்பது ஒரு வகையில் நல்லது. environmentalists - எல்லோரும் ஆஹா தமிழகத்தில் பெய்யும் கொஞ்ச நஞ்ச மழையாவது, டாக்டர் ஐயா மரம் வெட்டுவதிலிருந்து தார் பூசுவதற்கு மாறியதால், தப்பியது என்று மகிழ்ச்சியுடன் இருப்பர்.

இராமதாஸின் கொள்கை தமிழ்ப்பாதுகாப்பு என்று உயரிய ஒன்றாக இருந்தாலும் போகும் பாதை அவர் இதை அரசியல் mileage-க்காகவே பயன்படுத்துகின்றார் என்று காட்டுகிறது. சினிமாவிலும், ஊடகங்களிலும் (i cant resist.. சன் டீவி தவிர்த்து) தமிழிலே இருக்கவேண்டும் என்பது நல்ல எண்ணந்தான். ஏனெனில், புதிய தலைமுறைகளை பாதிப்பதில் இவை பெரும்பங்காற்றுகின்றன. இந்த தலைமுறையில் எது hip and savvy-யோ அதை தாங்களும் பின்பற்றுகின்றனர். hip and savvy என்பது தான் கவனிக்கப்பட வேண்டியது. சந்திரமுகியை தலையில் பொறித்துக் கொள்பவர்கள் வேறு ரகம். ஆனால் சாதாரண மக்கள் நேரிடையாய் இல்லாவிட்டாலும் sub-conscious level-இல் இந்த மீடியாவினால் பாதிக்கப்படுகின்றனர். நகர்ப்புறங்களில் தமிழே இல்லை. எந்த ஹிந்திப்படம், எந்த FM, எந்த ஸ்டார் சானல் என்பதுதான் அவ்ர்களின் பெரும் பிரச்சனை. ஆனால் அவர்கள் சிறுபான்மை. சிறுநகரங்களிலும், கிராமங்களிலும் இந்த மீடியா மிகவும் influence பண்ணக்கூடியது. அவர்கள் இந்த வகை மீடியா நகர்ப்புற கலாச்சாரத்தின் சாரமாகவே எடுத்துக்கொள்வர். அந்த வகையில் தமிழ்ச்சொற்களும், பாடல்களும் இருத்தல் வேண்டும் என்பது இந்த 21-நூற்றாண்டில் அவசியமாகிறது.

அதை செயல்படுத்தும் முறையில் தான் இன்னமும் வெறும் அரசியல்வாதிதான் என்று நிருபிக்கிறார். பல இளைஞர்கள் இவர் பேச்சைக் கேட்டு ஆர்ப்பாட்டம், போஸ்டர் கிழிப்பு, தார் பூசுதல், படச்சுருள் கைப்பற்றுதல் போன்ற செயற்கரிய சமூக சேவைகளில் ஈடுபட்டு தமிழைப் பாதுகாத்துக்கொண்டிருக்கின்றனர். இதனால் விழிப்புணர்வு ஏற்படவேண்டிய சாதாரணத்தமிழனுக்கு வெறுப்பே ஏற்படுகிறது.

தயாரிப்பாளர்கள் கடன் வாங்கியோ அடகு வைத்தோ சொந்தப்பணத்தில் தயாரிக்கும் ஒரு படத்தை (சட்டத்திற்கு மீறியிருந்தால் அரசாங்கமே நடவடிக்கை எடுக்கலாம்) அரசின் பின்னணி இல்லாமல் "இங்கிலீஸ் பேரா வக்கற, மவனே, வச்சு பாரு... சீவிடுவேன் சீவி"-ன்னு ரவுடி மிரட்டல் விடுகிறார்கள். இது அராஜகமின்றி வேறேன்ன? என்ன செய்ய வேண்டும்? அறிவுறுத்தலாம். கேட்கவில்லை என்றால் பொதுமக்களுக்கு எடுத்துச் சொல்லலாம். அதை விடுத்து மிரட்டல், படச்சுருள் கைப்பற்றுதல் என்று ஏதோ ஏரியா தாதா கணக்காய் அல்லவா நடந்து கொள்கிறார்கள். உங்கள் ஏரியா தாதாவை உங்களுக்கு பிடிக்குமா? அவன் என்ன சொன்னாலும் பயத்தாலன்றி மரியாதையால் எதையாவது செயல்படுத்துவீர்களா? அவனை சாபமிடாமல் ஒரு நாளாவது இருப்பீர்களா? இந்த நாச வேலையால் தமிழ்ப்பாதுகாப்பிற்கு உண்மையாக சொல்லப்போனால் உலை தான் வைத்துக்கொண்டிருக்கிறார்கள்.

இவற்றிற்கு பதில் தன் கழகக்கண்மணிகளின் பொதுக்கூட்டங்களைப் போல் இலக்கியக் கூட்டம் வட்டந்தோறும் நடத்தலாம். சிந்தனையாளர்களைக் கொண்டு எந்தெந்த வகையில் ஊடகங்களின் மூலம் தமிழ்ப் பரப்பலாம் என்று ஆராய்வதற்கு think tank-கள் ஏற்படுத்தலாம். தமிழில் technical writing வளர்வதற்கு வழிகள் என்னவென்று ஆராயலாம். வருங்காலத்தில் இந்தியாவில் சக்தியுடன் இருக்கப்போகும் (இப்போது அவ்வளவு பரவியில்லாவிட்டாலும்) வலையில், கணினியில் தமிழை முதலிலிருந்தே வளர்க்க முயற்சி செய்யலாம். ஹிந்தியில் விண்டோஸ் வந்தாச்சு. நம்மொழியில் இல்லை. விண்டோஸ் வேண்டாம், லினக்ஸ் போன்ற open source OS-களை தமிழ்ப்படுத்துவதற்கு முயற்சி செய்யலாம். செய்வாரா?

எனக்கு ரொம்ப நாளாய் ஒரு சந்தேகம்: Coffee Day கம்பெனியின் பெயரைத் தமிழில் எழுதும் போது என்ன எழுத வேண்டும்? "காபி டே"? இல்லை "குளம்பி தினம்"? தெரிந்தால் சொல்லுங்கள்.

நான் ஒரு இந்து!

வலையில் மட்டுமில்லாம மிச்ச எல்லா இடத்திலேயும் இதப்பத்தி பேசிப்பேசி ஒய்ந்து விட்டிருப்பார்கள் என்றாலும் ப்ளாக் பண்ணனும்னு தோணினதால பண்றேன். நான் இந்து என்று சொல்வதற்கு நம்மில் பலரும் பெருமையாச் சொல்றதில்லைன்னு நினைக்கிறேன். இந்து என்றாலே இந்து அடிப்படைவாதிகள் என்ற நிலைப்பாட்டிலேயே பி.பி.சி போன்றவையே சொல்கின்றன. இத்தனைக்கும் மிகவும் tolerant-ஆன ஒரு மதத்தை வாய்க்கூசாமல் மற்றவர் சொல்லும் நிலைக்கு வந்துவிட்டோம். என்னைப் பொறுத்தவரை நான் ஒன்னும் பெரிய believer கிடையாது. கிட்டத்தட்ட humpty-dumpty நிலைதான் எனக்கும். இருந்தாலும் ஒரேயடியா இந்துமதமென்றாலே ஜாதியை மட்டுமே முன்னிறுத்தி தூற்றுவோர் நிறையப்பேராகி விட்டனர். இதில் பாதி உண்மை பாதி பொய். எது என்னவென்பது விளங்காததால் தான் purpose of life-ஐ தேடிக்கொண்டிருக்கிறோம். என்னைப்பொறுத்தவரை கடவுள்களை நம்பினாலும் நம்பாவிட்டாலும் இந்து என்பதை என்னுடைய identity-களுல் ஒன்றாக நினைக்கிறேன்.

அதென்னமோ விஹெச்பியை எதிர்க்கும் அளவுக்கு (அவர்கள் அடிப்படைவாதிகள் என்பதில் ஒரு சந்தேகமுமில்லை) மிச்சவற்றை பற்றி நாம் கவலைப்படுவதில்லை. இந்துக்களாகிய நாம் இந்த விஷயத்தில் post-war ஜெர்மனியர்கள் போல் 'நாங்கள் அவர்களில்லை' என்ற மனோபாவத்திலேயே நம் மதத்தை (இவ்விடத்தில் கலாச்சாரத்தை) தூற்றுகிறோமென்றே எனக்கு சில நேரம் படுகிறது. மீடியாவும் ஒரு வித pseudo-secular uber-sensitive attitude-ஐ இந்துக்களிடத்தில் காண்பிக்கின்றன. எல்லா மதங்களிலும் சில காலத்திற்கொவ்வாத விடயங்கள் இருக்கத்தான் செய்கின்றது. வர்ணாசிரமம் என்பது எதற்காக உருவாக்கப்பட்டது என்பதே சரியாக தெரியாத நிலையில் அதன் தற்போதைய கோர ரூபத்தை மட்டுமே கொண்டு இந்துக்கள் என்றாலே pagan and inferentially fundamentalists என்ற மேற்க்கத்திய நோக்கும் இதற்கு காரணமாக இருக்கலாம். இதில் மேற்க்கத்திய, குறிப்பாக ஐரோப்பிய நாடுகளுக்கு அவைகளின் மதங்களும் அதன் கடவுள்களுமே உண்மையான வழியென்றும் அதைப் பின்பற்றுவதாலேயே intellectual center of humanity அவைகளே என்ற நம்பிக்கையும் முக்கியமானது(கிரேக்கர்களும் இப்போது இ.யூ. வில்!). அப்படிப்பட்ட மேற்க்கத்திய ஆதிக்கநாடுகளுக்கு பலவாயிரம் ஆண்டுகளாய் continuous-ஆக அவற்றிற்கு இணையாகவும் சில விஷயங்களில் மேலாகவும் வேறோரு சமுதாயம் இருந்திருக்கிறது என்பது மட்டையடி போன்றது. இதனால் இப்போது பேசிப்பேசிப் புளித்துப்போய் விட்ட aryan invasion போன்ற விஷயங்களையும் கட்டவிழ்த்து விடுவதில் inherent bias இருந்திருக்கவேண்டும் என்பது லாஜிக்கலான விஷயம்.

அதனாலேயே வெறும் ஒரு விஷயத்திற்காக, உலகத்திற்கு அறிவியலில், தத்துவத்தில், தெய்வீகத்தில் இந்துக்களின் பங்களிப்பு இருட்டடிப்பு செய்யப்படுகின்றது. செய்பவர் பலர் நம்மாட்கள் தான். அதுதான் வருத்தமாயிருக்கிறது. நான் இந்து என்று பெருமைப்பட்டு சொல்வதினாலேயே நான் விஹெச்பி ஆளில்லை. இந்த புரிதலில்லாமல் இருப்பது ஒரு fashion ஆகவும் போய்விட்டது என்பதென் தாழ்ந்த கருத்து. இந்தியன், தமிழன் இப்டியெல்லாம் politically correct identity-களை விட்டு எதுக்கு இதப்பத்தி பதிவு என்று நீங்கள் நினைத்தால் அதற்கு பதில் நானல்ல.. அன்னி பெசண்ட் தருகிறார்.

"Hinduism is the soil into which India's roots are struck, and torn of that she will inevitably wither, as a tree torn out from its place. Many are the religions and many are the races flourishing in India, but none of them stretches back into the far dawn of her past, nor are they necessary for her endurance as a nation. Everyone might pass away as they came and India would still remain. But let Hinduism vanish and what is she? A geographical expression of the past, a dim memory of a perished glory, her literature, her art, her monuments, all have Hindudom written across them. And if Hindus do not maintain Hinduism, who shall save it? If India's own children do not cling to her faith, who shall guard it? India alone can save India, and India and Hinduism are one."

என்னமோ எழுதப்போய்.. ஒரு விஷயத்திலும் focus இல்லாம கச்சாமுச்சானு பதிவாக்கிவிட்டேன்..என்னடா இன்னோரு ஆர்.எஸ்.எஸ் invasion-ஆன்னு நீங்க தலையில் அடிச்சுக்கொள்வதற்கு முன்னர் ஓடிவிடுகிறேன். பலரும் தமிழ்மணத்தில் சுட்டி பார்த்து நினைத்திருப்பீர்கள். அதுதான் இந்தப்பதிவின் நோக்கே.